Нархоз Колледжінде Қазақстандағы алғашқы маркетологтардың бірі — Асхат Абжановтың қонақ дәрісі өтті

Нархоз Колледжінде Қазақстандағы алғашқы маркетологтардың бірі, 26 жылдық тәжірибесі бар маман Асхат Абжанов қонақ дәріс оқыды. Ол Kaspi Жұма жобасын жасауда атсалысқан, сондай-ақ Tide, Ariel, Fairy сияқты беделді халықаралық FMCG брендтерімен жұмыс істеген.

Дәріс барысында Асхат Абжанов Қазақстандағы маркетингтің қалыптасу кезеңдері, нарықтың алғашқы жылдардағы дамуы және өз тәжірибесінен алған маңызды сабақтар туралы айтты. Сондай-ақ ол бренд қалыптастыру, стратегиялық ойлау және қазіргі маркетинг трендтері жөнінде пайдалы инсайттармен бөлісті.

Студенттер дәріске белсенді қатысып, сұрақтар қойып, еліміздегі маркетингтің қалыптасуына тікелей қатысқан маманнан құнды кеңестер алды.

Нархоз Колледжі Асхат Абжановқа мазмұнды әрі шабыт беретін дәрісі үшін алғыс білдіреді және студенттердің білім көкжиегін кеңейтуге қосқан үлесін жоғары бағалайды.