ТҮЛЕКТЕН – СТУДЕНТКЕ: 08.08.2025 – КІТАПХАНАНЫҢ САЛТАНАТТЫ АШЫЛУЫ

Колледж түлегі – MyBuh.kz компаниясының директоры Алексей Попадченконың бастамасы мен қаржылық қолдауының арқасында колледж кітапханасы толығымен жаңартылды: заманауи интерьер, жаңа жиһаз, жарықтандыру және жайлы оқу кеңістігі.

Жобаға 10 миллион теңгеден астам қаражат бөлінді.
Ашылу күні Абай Құнанбайұлының 180 жылдығына орай қойылды — бұл ұрпақтар сабақтастығы мен білімнің символы.
Сонымен қатар MyBuh.kz компаниясымен ынтымақтастық туралы меморандумға қол қойылды — бұл студенттер үшін жаңа мүмкіндіктердің бастауы!

Түлектер өз оқу орнына тек естеліктермен емес, нақты қолдаумен қайта оралғанда — ризашылық пен шабыттың мәдениеті қалыптасады.

Бүгінде бизнесте табысқа жеткен түлектер alma mater-іне оралып, нақты үлес қосуда. Мұндай қолдау білімнің құндылығын арттырып, студенттерді жаңа жетістіктерге жетелеуге күш береді.