Narxoz College түлектері колледжбен байланысын сақтап, жаңа кәсіби мәртебеде — команда мүшесі ретінде қайта оралып жатыр.

Сондай түлектердің бірі — Нұрдавлетов Нұрсұлтан, Narxoz College-дің 2025 жылғы «Менеджмент» мамандығының түлегі. Бүгінде ол Бас директордың ассистенті болып жұмыс істейді және алған білімін өзі білім алған колледж қабырғасында тәжірибеде қолданып жүр.

Оқу кезінде Нұрсұлтан жауапкершілігімен, ұқыптылығымен, белсенділігімен және жоғары ұйымдастырушылық қабілетімен ерекшеленді. Бұл қасиеттер оның кәсіби ортада сенімді дамуына және колледждің жұмыс процестеріне белсенді қатысуына көмектесіп келеді.

Нұрсұлтан Narxoz College-ге жаңа тәжірибе жинау, өз әлеуетін іске асыру және өзі білім алған білім беру ортасының дамуына үлес қосу үшін қайта оралды.

Narxoz College үшін мұндай оқиғалардың маңызы ерекше. Олар колледждің тек маман даярлап қана қоймай, болашақта қайта оралып, жауапкершілік алып, колледждің дамуына қатысуға дайын түлектерді қалыптастыратынын көрсетеді.

Бүгінде Narxoz College-де 7 түлек жұмыс істейді. Бұл — сенімнің, сабақтастықтың және alumni қауымдастығымен берік байланыстың көрінісі.

Narxoz College — табыс тарихының бастауы.