Narxoz College: білім мен индустрияны біріктіретін жаңа тәжірибе

Қазіргі таңда қызмет көрсету және ресторан индустриясы әлемдегі ең қарқынды дамып келе жатқан салалардың біріне айналды. Халықаралық брендтер жаңа нарықтарға шығып, сервистің жаңа стандарттарын қалыптастырып, бизнес модельдерін үнемі жетілдіріп келеді.

Мұндай жағдайда болашақ мамандар үшін тек теориялық білім жеткіліксіз. Олар нақты индустрияның қалай жұмыс істейтінін көріп, кәсіби ортадағы процестерді түсінуі қажет.

Narxoz College командасы ретінде біз студенттеріміз үшін осындай мүмкіндіктерді қалыптастыру бағытында жүйелі жұмыс жүргізіп келеміз. Біздің ұстанымымыз айқын – білім тек аудиториядағы теориямен шектелмеуі тиіс.

Сондықтан біз білім беру мен индустрия арасындағы байланысты күшейтіп, студенттерге оқу барысында-ақ кәсіби ортаға жақын тәжірибе алуға мүмкіндік беретін серіктестіктерді дамытып келеміз.

Осы бағыттағы маңызды қадамдардың бірі – халықаралық Popeyes Louisiana Kitchen брендімен басталған ынтымақтастық.

Popeyes – соңғы жылдары қарқынды өсіп келе жатқан халықаралық ресторан желілерінің бірі. Компания жоғары сервис стандарттарымен, тиімді операциялық басқару жүйесімен және мықты корпоративтік мәдениетімен ерекшеленеді.

Серіктестік аясында біздің студенттер Popeyes нысандарына барып, компания жұмысының нақты процестерін өз көздерімен көрді.

Экскурсия барысында студенттер:

– ресторанның операциялық жүйесімен танысты

– халықаралық сервис стандарттарының қалай жұмыс істейтінін көрді

– командалық жұмыстың ұйымдастырылуын бақылап

– ресторан бизнесіндегі басқару мәдениетін зерттеді

Мұндай тәжірибе студенттерге теориялық білім мен нақты практиканы байланыстыруға мүмкіндік береді.

Біз Popeyes компаниясының командасына ерекше алғыс білдіреміз. Компанияның ашықтығы, тәжірибесімен бөлісуге дайын болуы және студенттерге кәсіби ортаны көрсетуі – білім беру үшін өте маңызды қадам.

Narxoz College үшін мұндай серіктестіктер тек бір реттік іс-шара емес. Бұл – білім беру моделінің маңызды бөлігі.

Біз студенттерге тек білім беруді ғана емес, сонымен қатар оларды нақты индустрия талаптарына дайын маман ретінде қалыптастыруды мақсат етеміз.

Сондықтан біз алдағы уақытта да:

– индустриямен серіктестікті кеңейтуді

– халықаралық компаниялармен ынтымақтастықты арттыруды

– студенттер үшін жаңа практикалық мүмкіндіктер ашуды жалғастырамыз.

Narxoz College командасының басты мақсаты – білім мен практиканы біріктіретін заманауи білім беру ортасын қалыптастыру.